مسرحية أمين وشركاه - ملاحظات وأخطاء
مسرحية أمين وشركاه
حاجة لاحظتها امبارح وانا جاي اكل وبفتح اللاب اتفرج ع الحلقة الخامسة من " أمين وشركاه " اللي بحب اتفرج عليه
وافوجى بحاجة خضتني وعلمياً ماينفعش تحصل اصلاً.
ايه اللي حصل بقى؟!
الاقي ان فيه أغنية جوا العرض فيها لقطة اتصورت بعدسة واسعة من مسافة قريبة ودا واضح من زاوية التصوير الكبيرة والمسافات الكبيرة بين الاشياء اللي على ابعاد مختلفة من الكاميرا (المنظور) *صورة 1*
وبعدها على طول لقطة تانية بتسلمها يعني (لقطتين بيكملو بعض كحركة)
اللقطة التانية دي بقى كادر واسع ظاهر المكان كله ودا علمياً مينفعش
لأن لو فعلا الكاميرتين صورو الحركة في نفس الوقت وبيسلمو بعض كان مفروض الكاميرا اللي صورت لقطة 1 كانت ظهرت في الكادر في اللقطة التانية
لان اللقطة التانية كاشفة المنظر من كادر واسع لنفس المكان.
وبعدين تأملت كدا وافتكرت ان أحمد أمين كان قال في برنامح صاحبة السعادة مع ا. اسعاد يونس انه بيعرض اكتر من مرة نفس العرض وبيصور كل مرات العرض
(وانا عارف ان المسرحيات عادةً بتتصور في اكتر من مرة عرض)
ولما رجعت بقى للثانية اللي بتفرق بين اللقطتين لقيت في اختلاف في وضع أحمد أمين
ودا واضح في الفرق بين * صورة 2 وصورة 3 *
وحتى شكل ملابس الراقص اللي قدامه *صورة 4*
فاللي حصل ان المشهد اتاخد من لقطتين من مرتين عرض مش من مرة واحدة واتركبو على بعض عشان يسلمو بعض وطبعاً لانها اغنية وهم حافظين حركتهم فمكانتش واضحة اوي للناس والصوت مفهوش مشكلة لانها اغنية شغالة في الخلفية playback
بس دي ماتعتبرش خطأ ولاحاجة بس مجرد ملحوظة استوقفتني وحبيت انقلها لحضراتكم
لان في ناس بتبقى مهتمة زيي بالحاجات دي
الصور:
صورة 1 بتوضح استخدام عدسة واسعة من مكان قريب
وصورة 2 هي تكملة للقطة الأولى وآخر صورة/كادر في اللقطة اللي من عرض معين
وصورة 3 اول كادر من اللقطة اللي بعدها اللي من عرض تاني والفرق بينهم هو دا اللي وضح انهم من عرضين مختلفين كاختلاف وضع الممثلين وملابس الراقص
وصورة 4 لتوضيح الفرق في شكل ملابس الراقص واختلافها عن صورة 2
(صورة 2 كان مدخل التيشرت جوا البنطلون اكتر شوية
بس الديكور هو هو ولاد الذينا .
لاحظ المشهد وكتب المقال: خالد حجازي
تعليقات
إرسال تعليق